س١ مين انتى ؟
ج١ ياسمين ياسين عوض وعلي السوشيال ميديا ياسمين ياسين عوض اتخرجت من كلية السن جامعة عين شمس واشتغلت وانا بدرس وحاليا بشتغل علي الانستجرام واليوتيوب بنزل اوت فيتس للبنات وميكب اب توتوريال واي حاجه ليها علاقه بالفاشون والاسكين كير
س٢ حلمك اى ؟
ج٢ مش حاطه تارجت لنهايه حلمي عشان انا معنديش سقف لطموحي بس نفسي ف حاجات كتير منها ان شهرتي متتوقفش علي مصر بس يكون ليا متابعين من كل دول العالم علي يوتيوب وانستجرام و اعمل براند انا وخطيبي وتبقي عالميه مش ف مصر بس
س٣ ماهى الصعوبات التى واجهتها اثناء فتره حياتك ؟
ج٣ اول لما دخلت الكلية كنت مغتربه وعايشه ف شقه فيها ١٤ بنت معرفهمش مكنتش بعرف اذاكر ولا انام ، ولما بدأت اشتغل علي السوشيال ميديا ناس كتير كانت بتتريق عشان فاكرني مش هوصل لحاجه وناس قطعت علاقتها بيها بس الحمد لله ربنا كرمني وشركات كتير بدأت تعرفني وتتعامل معايا
س٤ لو فى ايدك تحقيق لإنجاز معين اى هو ؟
ج٤ ماما تاخد وسام الأم المثالية لانها تستاهل اكتر من كدا بكتير تعبت عشاني انا واخويا كتير اوي س٥ لو تتمنى دعم ليكى اى هو الدعم اللى هيفرق فى حياتك جدا ؟
ج٥ يكون عندي شركة خاصة بالاعلانات والتسويق س٦ ماهى مواهبك ؟
ج٦ بعزف بيانو وجيتار وبعرف ارسم س٧ قولى كلمه للأشخاص اللى كانوا سبب فى ايذاءك نفسيا؟ ج٧ ربنا بيدي كل واحد علي قد نيته وانا عمري ما اذيت حد وواثقه انه هيجي يوم وهتعرفو قيمتي وقد اي انتو ظلمتوني
س٨ وجهى نصيحه لشخص معين كان سبب فى احباطك ؟
ج٨ اشغل وقتك وتفكيرك بشغلك ونجاحك بدل ما تشغل نفسك بالناس هتبقي احسن منهم
س٩ مين صاحب الفضل فى نجاحك ؟
ج٩ ماما من صغري اكتر واحده بتشجعني في الدنيا دايما عايزاني احسن منها وبتتمنالي ابقي احسن واحده ع طول تقولي نفسي تبقي احسن من اي حد وتحققي كل اللي نفسك فيه ومتحتاجيش لحد ابدا وبفرح اوي لما بتنزل معايا وتصورني وتتعب عشان تطلعلي صور حلوه عشان شغلي ، وخطيبي برضو دايما يقف ورايا ف اي قرار باخده ويشجعني عليه وبيثق فيا اني اقدر اعمل اي حاجه ودي حاجه بتخليني اقدر اثبت نفسي اكتر ف هما الاتنين سبب اي حاجه حلوه بوصلها
س١٠ لو فى ايدك تسخرى السعاده فى قلبك شخص هيكون مين ؟
ج١٠ لماما عشان اعوضها عن اي حاجه وحشه شافتها ف حياتها وعن كل يوم تعبت فيه عشاني انا واخويا نفسي اشوفها دايما مبسوطه س١١ تحبى تنهى معانا بااى الكلام اللى نفسك تقوليه ؟ ج١١ ربنا كبير اوي والدنيا مش دايمه لحد ف بدل ما تقعدو تتكلمو وتحقدو علي حد اشغلو وقتكو بنجاحكو وشغلكو وربنا هيكرمكو ودايما متيأسوش عشان مفيش حد بيتعب ويسعي وربنا ميكرموش وعاملو الناس بالطريقه اللي تحبو يعاملوكو بيها بلاش نأذي الناس نفسيا بكلامنا ونقول كلام يضايقهم وبكده قدرنا نفهم عقل الشباب بيفكر ازاى من خلال كلماته وتعبيره اللى بيظهرلنا من خلال الحروف انتظرونا فى قصه حياه جديده مع وش الخير